Day 30
- നമുക്ക് വേണമെങ്കിൽ ദിവസവും ഭഗവാനുമായി അടുപ്പത്തിലിരിക്കാൻ സാധിക്കും. ഏതു ബന്ധമാണോ ഭഗവാനുമായി വേണ്ടത്, ആ സ്ഥാനത്ത് സർവ്വ ശക്തിവാനെ കാണാൻ കഴിയും. ജീവിതയാത്രയിൽ ആത്മവിശ്വാസം തന്നെ തകരുന്ന രീതിയിൽ സംഭവങ്ങൾ ഉണ്ടാകാം. ആരോഗ്യം, ആക്സിഡന്റ്, അവിചാരിതസംഭവങ്ങൾ, എല്ലാം നമ്മൾ പ്രതീക്ഷിച്ചപോലെ ആവണമെന്നില്ല. ഇതെല്ലാം തരണം ചെയ്യണം. ഈശ്വരൻ നേരിട്ട് ഒന്നിലും ഇടപെടുന്നില്ല.
- അപ്രതീക്ഷിതമായത് നമ്മൾ പ്രതീക്ഷിക്കണം. എപ്പോൾ , ആർക്ക്, എങ്ങിനെ, എവിടെ വച്ച്…എന്തും സംഭവിക്കാം. ഒന്നും നമുക്കറിയില്ല. ഇപ്പോഴത്തെ സാഹചര്യമെല്ലാം അങ്ങിനെയുള്ളതാണ്. കുറ്റം പറഞ്ഞും പരിഭവിച്ചും ഇരിക്കുകയല്ല, അതിജീവിക്കുകയാണ് നമ്മൾ ചെയ്യുന്നത്. സ്വയം സമാധാനിക്കാനും, മറ്റുളളവരെ സമാധാനിപ്പിക്കാനും നമുക്ക് കഴിയണം. നമുക്കേ അത് കഴിയൂ. കാരണം നമ്മൾ രാജയോഗികളാണ്.
- ബ്രഹ്മാബാബക്കു ജീവിതത്തിൽ വലിയ പ്രതിസന്ധികൾ നേരിടേണ്ടിവന്നിട്ടുണ്ട്. 1950 കാലം. ബാബയുടെ കൂടെ 350 പേരോളം ഉണ്ട്. ചില ദിവസങ്ങളിൽ ഉച്ചഭക്ഷണത്തിന് സാധനങ്ങൾ ഉണ്ടാവില്ല. ചിലർ രോഗികളായിരിക്കും. സമയത്ത് ഭക്ഷണം വേണം. അടുക്കളയിലുള്ളവർ സാധനങ്ങൾ ഇല്ലെന്ന് വന്നു പറയുമ്പോൾ ബാബ പറയും: ഭഗവാന്റെ യജ്ഞമാണ്, ഭഗവാനാണ് തുടങ്ങിയത്. നടത്തുന്നതും ഭഗവാനായിരിക്കും. ഭഗവാന്റെ കുട്ടികളാണ്. വിശന്നിരിക്കില്ല. ആത്മബോധത്തിലിരുന്ന് സർവ്വശക്തിവാനെ ഉപയോഗിക്കുക. എന്നിട്ട് അനുഭവം നോക്കുക. നല്ല അനുഭവം ഉണ്ടാകും. മന:ശ്ശാന്തിയും, മന:ശ്ശക്തിയും നേടും. തീർച്ചയായും താങ്കൾ അത് മറ്റുള്ളവരുമായും പങ്കുവെക്കണം.